N 102. Waimela Kog. Kohtun sel 22 Novbr. 76. Man olliwa:

Pakohtum. J. Tschuchna,

Abbi M. Jaaska,

dito H. Samoson.

Ette tulli Alex. Kriisa Timmust ja kaibas Joh. Kallinge päle taoste, seitsme 3 ... kotti, wakaröa jahhu ja wakka keswa jahhu perrast mes temmal selle käest sada, ja temma nöuda.

Joh. Kalling wastut selle kaibuse päle, et temma kül ütte wanna taose Kriisa käest alla sanu, wert 5 rubla höb., wilja kotte olla temma ka kord lainanu moisa jahwatuse päle talwel ja sais nu ka ne kotti konni süggiseni temma käen, ent kui Kriisa sullane Carl Michelson temma mannu neid kotte otsma tulnu, siis ei tulnu temmal ennamb meelde paljo neid olnu ja käsknu seperrast sellel wötta ni paljo, kui Kriisa neid üttelnu ollewat, ja se olla ka ni paljo neid jälle taggasi wiinu; olla ka ütte wakka röa jahhu sanu, ent keswa jahhu mitte, ennegi üts mööt suurmid. Päle selle olla nemma jo Kriisaga kewwajal Päkohtum. J. Tschuchna man ollen köik omma asja selletanu, arra leppinu ja olla nüüd temma tedu assi öige ja rahhul; ent se selletus olnu ni: Temmal olnu Kriisa käest sada: Puhhast rahha 5 rubl 31 Cop, ja Sani prukmise eest 5 rubl 31 Cop; ent Kriisa nöudnu siis taoste eest 7 rubla ja muust ei olla juttu olnu. 

Kriisa wastut, et temmal olla wahtse kotti olnu ja kakkenu olla temmale taggasi antu ja Kalling käsknu neid ni kauges wasta wötta, kui temma omma kotti kätte sada; taosid olles temma kewwajal ruhhu olnu, kui Kalling neid temmal kätte olles andnu; Röa- ja keswa jahhu saatnu temma temma läbbi omma Pappale Werrole (koolnu) ja sani eest nöüd Kriisa 2 rubla, ent temma lasknu sani Antz Samosonil ärrä parrandada ja andnu taggasi, ja Carl Michelsoni ja kohtumeest ei wötta temma mitte henne wasta tunnistajas, et neidega rijun ja kohtu al olnu.

Otsus: Et tunnistaja puduwa ja Kriisa kohtu mant ärrä läunu, jäeb assi polele.

Päkohtumees J. Tschuchna XXX

Abbi Michel Jaaska xxx

dito Hindrek Samoson. xxx

Kirjotaja HKalkun.