Wõru kogokonna kohus sel 4 märzil 1887.

   Man olli Päkohtumees M Kirjotaja 

                       Kohtumees M. Melzow

                       Kohtumees H. Jõperra

Ette sai woetud II Tartu Kreisi Kroonu metsa herra kaibus akt sest 17 decembrist s. a. Nr 802. kon kaiwatu om et Wõru walla talonik Willem Puijemots om oma woliga Kroonu metsast kirwega maha ragonu nink ära weddanu . 

                                 1 kuus 8 tolli paks ja 53 jalga pik.

                                 10 kuust 3 -    "     "   23 jalga pika.

ja metsa waht olewad warastadu puud walla woormondre Michel Wõruga otsimise läbbi Willem Puijemõtsa maijast katte saanu ja nõwwab nüüd metsa herra Willem Puijemõtsale taksi järele määratud 3 korralist puu hinda 13 rbl 5 1/2 kop trahwis peale panda. 

Willem Puijemõts olli ka ses tänases päiwas kutsutu om tulnu nink wastut et tema neid eennimitedu puid kroonu metsast toonu ei ole waid se 8 tolline kuus om Sommerpalo moisa metsas ostetu ja sedda om Kusta Iwan minole muinu. 

Metsawaht Michel Reihan tunis et 10 kuust metsa herrale essimise kombel üles om andnu ja Puijemots neid Kroonu metsast toonu ei ole waid ennegi ütte kuuse kandu metsas leuda ei ole.

                        Otsus: Kusta Iwan Sommerpalo mõisast teises kohtu päiwas ette kutsu. -

                                  Päkohtumees: M. Kirjotaja

                                   Kohtumees M. Melzow

                                   Kohtumees H. Jõeperra

                                                Kirjotaja M Melz.