Wõru kogokonna kohus sel 26 märzil 1887.

                   Man olli Päkohtumees M. Kirjotaja 

                                    Kohtumees M. Melzow

                                    Kohtumees H. Jõperra

Kutsutu omma tulnu protokol Nr 94 järele

Mai Raag Jaani lesk man saisja Michel Wõrro wastud et Ann Loosu enamb kui 20 aastad sääl Tanno majan mes nüüd tema (Mai Raag) käen om tööd om tennu ja palka tema saanu ei ole.

Alaealiste perijade wöörmondre Johan Hakman nink M. Wõru ja täisealine perija Jaan Raag wastutase et kui Ann Loosul palk saamata olli sis andnu tema sedda sis üles kui talo perremees kooli ja et tema sedda tennu ei ole nink waranduse ära jagada om lasknu sis meije enamb alaealiste perijade waranduse ossa wõlgu jäänu palga masmises tagasi ei anna. -

Ann Loosu man saisja Jaan Wald wastud et mina arwsi et mina sääl majan korteri nink üles piddamist saa ni kaua kui mina ela ja kui se jobba sija maani om olnu, sis mina palka es nõua ent nüüd om minno säält talost ära kästu minna sis nõwwa palka, palka ette leppitu ei ole olnu.

                          Moisted: Et Tanno talo perremees Jaan Raag surmast jobba 4 aastad mööda om ja Ann Loosu sija maani korterist üles andnu ei ole nink nimite-

                                          du talo perremehe warandus perijadele jöba ära om jaetu sis kautab Ann Loosu oma noudmise õiguse nink sele perast tema kaibus pe-

                                          rijaid wasta palga noudmise perast tühi. -

Se moistmine & 773 perra kulutedu.

Ann Loosu kuulut et tema sele moistmisega rahule ei ole nink anti temale lubba edasi kaiwata.

                               Päkohtumees: M. Kirjotaja 

                                 Kohtumees: M. Melzow

                                 Kohtumees: H. Jõeperra

                                             Kirjotaja M Melz.