Kaibas Karel Ruus, et Sohwi England om teddä wargas tenno, om kõnnelno, et Karel om Saapad warrastano ning Annimatsi Petre Rahha warrastano ning muide rahwa Leibä wõtno.

Wastutas Sohwi England, et temmä om Petre tarre omma Saapad pandno, om Hommungo lännu ülles Tarresid pühkmä, omma Saapad Sinnä jäno, om Karli ütsindä sääl käüno, om wäige Marri nänno ning muud ei olle keddägi käino. Annimatsi Petre Rahha wargussest ei olle temmä endä pääst kõnnelno, om üts Naine tälle kõnnelno, teddä temmä ennämb ei tunne.

Annimatsi Peter Aloe kulutas, et temmä man om Karl Ruus kül tenimän olno, ent ei olle middäki warrastano, ei wõi temmä middäki tunnistata. 

Jääb tõise kõrra pääle.