Kaibas Arrola Walla Mees Mert Rik, et Trummi Jürri Rebbäne om jo suwwel temmä man mitto kõrd käüno ning om tahtno Hobbest wahhetata ning om nüüd 23dal Septembril Jürri tullo temmä manno wahhetama, se om ütte aige Obbesse temmäle anno ning Jürri Obbene 1½ päiwä Arrolan olno, sis om Jürri tulno temmä Obbesseka Arrolate ja om omma Obbesse jällä taggasi wõtno ning om temmä essi Jürril taggasi Obbesse andno ning nüüd om tol sammal aijal se Obbene errä lõpno, om Lendwa errä lönu.

Wastutas Jürri Rebbäne, et temmä om suwwel ka Löndrel kül käüno, ent Obbesse wahhetussest ei olle neil kunnage juttu olno, ent nüüd om süggisse Löndrele jälle länno ning om Mertika kõnnelno, et wahhetama Obbessed, minno om üts Ruun ning sul om üts Märrä ja om Jürri Mertika ni wisi wahhetano, et kolme päiwä sehhen sis wahhetus kindmas jääb, om üts Pühhäpäiw Hommungo olno kui Obbesse tono, om to sammapäiw jo leidno, et Obbene ei olle sönu ja om Espäiw Hommungo enne päiwä tõusmist taggasi wino.

Wastutas Mert Rik weel, et kui Jürri Rebbäne om Espäiw sööma aigo tono, sis om jo Obbene haige olno ning werd Nõnnasõrmeest wäljä ajano ja pääle lõuna liggi Õddangut errä lõpno, nõwwab omma Rahha, mes andno 16 Rbl 50 K õbbe.

Moistedut: Et Jürri Rebbäne peäb se Hobbene Arrola Mehhell Mert Rikal taggasi andma ning Arrola mees peäb lõpno Hobbesse Nahk Jürril taggasi. Jürri peäb Hommen Obbene errä wimä.

Omma mõllembilt poolt errä lepnowa, massab Jürri Rebbäne Mert nelli rubla 50 K. ning jääb se Nahk ka temmäle. 

Omma mõllembä sin kohto een olno.