Sure Rengu Moisa Walla Mees, kes Pühhäjärwe Moisan sullane om, om tõe perrä nõudmisse perra 3 Rbl 75 Kop. õbbe warrastano, om sin Kohto en üttelno, et om sano Jaan Kleinbergi käest, kes Palloperren om nink Pallo Kõrtsin se Rahha sano, 1 Rbl 50 Kop. om weel jäno sada. Se pääle saije Kohtomees Jaan Rebbäne nink sullane Jaan Rosenberg Palloperde sadetos nink omma Jaan Kleinbergi käest küssinowa, om Jaan Kelinberg wastutano, et temma ei olle mitte üts Koppik Jaan Maksil andno, ei olle asugguge teggemist Jaan Maksika olno.

Wastutas Jaan Maks, et temmä om kül sano nink om weel kül sada, mes teil sis tost nõudmist om kui Minna Pallo Kõrtsin se Rahha ollen sano, Minnol ei olle teijeka middaki teggemist.

Se pääle käändse Sällä Kohto Peep: ei wasta nink pruuk omma suurd suud nink kästi se pääle temmäl odata, temmä läts errä ilma lubbata nink jooksis Karjalauda manno, sinnä läts Kohtomees Jaan Luik perrä, om tollele üttelno kui saa manno tulled, Minna sulle löükan, om suur saibas käen olno nink säält jooksis errä Mõtsa, sis lätsiwa nelli Meest katte Hobbesseka perrä, omma manno sano, sis om Jaanil saibas käen olno nink üttelno kui manno tullede, sis ma löükan.

Moistedut: Et Jaan Maks saab särätse halwa tempode nink wäega suure suuprukmisse est 30 Lööki/Kolmkümmend. 

Hans Karro XXX

Peter Krimp XXX

Jaan Rebbäne XXX