Kaibas Moisa Wallitsus, et Maddis Luig om Moisa Mõtsast warrastano mitto Puud nink Annimatsi Tallole wino ja sääl errä pallotano, nõwwab Moisa 25 lööki trahwi se wargusse ülle nink weel suwwel om lasno endä lehmä Moisa Ernede sisse, mes est om temmäl üts Rbl trahwi panto nink seni ajani weel ei olle errä masno, et kül om mitto kõrd sõnna sano, ent seddä kuulno ei olle. 

Wastutas Maddis Luig, et temmä ei olle mitte tono Moisa Mõtsas neid Puid, om Jerwe werest Arrola piri päält korjano nink Annimatsile tono.

Tunnistas Mõtsawacht Michel Miller, et temmä om länno Annimatsi Tallule nink om sääl Puuda lastod leidno nink om Perrenaise käest küssino kos need Puud on jäno, om Perrenaine wastano, et Maddis om kül Puid sijä tono nink ommawa Ahjon pallaman nink temmä Rehhi om prolla ülliwan. Seddä tunnistas ka Kohtomees Jaan Luig, et sinna Tallo Jälled Mõtsas om länno.

Moistedut: Et Maddis Luig saab 15 löökika trahwitos, et kats süüdi temmäl om, et trahwi Rahha kui kästo om, ei olle errä tono nink Puud ka sinnä Maija wino.