Kaibas Jürri Inselberg, et temmä om kewwäde andno oma Poig Hans Postile karjusses nink piddano Hans Post tullewa kewwädeni piddama, nüüd om Rentnik walla tenno, leppito om olno, et piddäno Reiwat nink Söök Kewwädeni sama. Kui kaupa omma tenno, ei olle miud man olno, temmä Elläjät 2 Lehmä om lubbano Rentnik ka laske perrä kaeda.

Wastutas Hans Post, et temmä om lubbano Reiwast anda, ent mitte Särki, ei Kaskat, et Essä om lubbano anda, om lubbano wäegeisi Reiwis anda, om suwwel kül paljo kahjo tenno, om suwwel Nisso nink muud wilja errä lasno sööta, om kül Rentnik üttelno nink keelno, ent ei olle kulno, om Merdipäiwäni Poisi söödno, om üts Särk andno, om Pois weel alt woodri errä wõtno.

Nõwwab Jürri Inselberg, et temmä tahhab, et Lats Kewwädeni Söki saas.

Moistedut: Et Hans Post peäb se Poisikenne Kewwädeni piddama, ent Pois peäb keik teggema, mes karja poisi sädus om nink peäb Post andma Leibä nink Suppi. Kui Jürri Inselberg Poijäl alba eenkoijo annab, sis saab essi trahwi alla. Kui Pois sõnna ei kule, sis peäb sija todama.