Kaibas Kohtomees Jaan Luig, et temmä tõine Perremees om üttelno Jaan Kutsar, et om temmä Söödi pääle Obbene Sullaset pandno, pääle too om Jaan Kutsar üttelno, et sinna olled söödi warras nink ka Maggasi warras.

Wastutas Jaan Kutsar, et temmäl ei olle muijale panna Tõprit kui omma söödi pääle, sis om Jaan Luig ka pandno 3 Obbest temmä söödi pääle nink om üttelno weel, et sinna ollet wargusse poold minno Nido pääle pandno. Ütlep weel Jaan Kutsar, et temmä woib se pääle wanduda, et temmä mitte ei olle üttelno, et Jaan Luig om middagi warrastano.

Kulutas weel Jaan Kutsar, et Jaan Luig om weel üttelno, et Nuggisse  Hans Karro om masno Obmannile kats Rbl õbbe, et om üts Hää Contact kirjotano Hansole, et temmäl ei olle märätski tükki teggemist.

Kulutas Kohtomees Jaan Luig, et temmä ei olle mitte säräst Sõnna ommast suust kõnnelno nink ei olle mitte todda üttelno, et Hans Karro om Obmannile kats Rbl õbbe andno.

Kulutas weel Jaan Kutsar, et temmä ei wõi mitte Jummala ei ka Innimeste een ütteldä, et temmä om Jaan Luiga Maggasi wargas üttelno.

Ommawa errä lepnowa ninkk peäb Jaan Kutsar rahhole jäma ninkk ei tohhi middagi ennämb säräst halba Jutto ajada. Kui saab sis sawa trahwi alla.