Kaibas Kengseppä sell Hesse, et om Merdi päiwäl Pühhäjärwe Kõrtsin olno nink wõtno kolm Puddelit wina jodawat nink teine kõrd muud Krami ja om wõlgo olno nink om Rahha sis mes wedi massa olno, ei olle Uhrberg wasta wõtno, perräst om nänno omma perris Püss Kõrtsin olno nink ütleb, et se om Pandiko woeto nink Jacob Bruksi käest om Uhrberg errä petno nink palleb, et se keä temmä Püss päntno, trahwi alla saas.

Wastutas Jaan Uhrberg, et Hesse om Käe andno temmäle enne pühhi nink pallelno, et odke et mull prõlla ei olle nink kui ma Inselbergi käest saan, sis ma massan, ent Uhrberg ütleb, et Inselberg essi kikegile wõlgo om nink temmäle ka, sis ei woi temmä lota, om Uhrberg kül länno Rautseppäle nink Püss säält tono, et Hesse pälägi ilma Passita peäb ollema nink pelgäb ka, et ommast ilma jääb. Masko Hesse rahha errä, sis saab Püss kätte. Om sada 7 Rbl 12 Kop. õbbe.

Moistedut: Et Kengseppäsell Hesse peäb omma wõlg 7 Rbl 12 Kop. õbbe errä massma, et ka Hermann Uhrberg pelljäb, et ilma ommast jääb nink ilma Passita ka weel Inselberg piddama peäb Hesset.