Kaibas Saddulsep Cerehn, et om sada 8 Rbl õbbe üttet Taossed ja ütted Suitsed, om Summa kokko 11 Rbl õbbe, nõwwab seddä rahha kätte.

Wastutas Jaan Ruut, et om üts Obbene Cerehn käest ostno, 3½ Rbl õbbe, omma tunnistat wõran kottal, om Cerehn kats astat söno temmä man olno nink nõwwab Obbesse ja Innimesse ülle 20 Cop. õbbe eggä päiwä est, se om kokko 14 Rbl õbbe. Taosed om jätno Cerehn sinna, ent temmö ei olle käsno jätta.

Kulutas weel Cerehn, et mitte üts päiw ei olle Sööno Ruuti man, kui om olno, sis om tööd tenno.

Tunnistas Andres Homberg, et nelli söögi wahhet om Cerehni Obbene tööl olno ja om Cerehni tõudno Ruut ennämb kui omma muid Innimeisi ja ka om mõnni kõrd üts Näddäl, kat Näddälit temmä man olno ja ei olle kunnagi ilma pahhandusseta errä länno. Om ka Cerehni Obbene mitto kõrd ka Ruuti Wilja errä sõkno ja söno.

Om ka Cerehn, weel kui mõnni kõrd errä länno, Aida päält Haino issaka wõtno ilma kelleki lubbata. 

Moistedut: Se Koggokonna Kohhus ei woi middaki moista, etmärästki selget tunnistust sin ei olle.