Kaibas Andres Homberg, et om sada 32 Rbl 30 Kop. Jaan nink Ado Ruut käest Palka, om ülle keige sada olno 51 Rbl, kätte sano ülle keige 18 Rbl 70 Ko.

Sada Suma 32 Rbl 30 Kop.

Wastutas Ado Ruut, et om sano Palka 18 Rbl 70 Kop, üts Särk sano ja lasno errä warrastada 4 Rbl., 1 Paar Saapid 1 Rbl 25 Kop, 1 Piip 25 Kop.

Summa 24 Rbl 20 Kop.

Eddimänne asta leppito 4 Rbl rahha ja Reiwas ja om ka põddeno Jürri päiwäst Jani päiwäni.

Ütleb Andres Homberg, et se õige om, et aige olno, pääle Hainä aigo üts Näddal Haige olno.

Teise asta est 7 Rbl Palka ja Perremehhe Rõiwas.

Ütleb Andres, et ei olle sano Palka ei ka Reiwad.

Kolmas asta 15 Rbl Palka ja Andresse Reiwas ja piddano essi keik massut massma.

Andres Homberg ütleb, et om lubbano 18 Rbl nink sis piddano omma Reiwas ollema ja massud masma.

Georg Ruutil om sada 3 Rbl 25 Kop, om andno Rahha nink Reiwad.

Wastutas Andres Homberg, et om wõlgo 2 Rbl 25 K, ütte õbbe Rbl est om Saija ostno, Rahha ei olle sano.

Ado Ruut om masno suwwe Päiwilisse est 20 Cop eggä päiwä est, et Kewwädes töö haige olno.

Ütleb Andres Homberg, et kül om olno too haigo Haige olno. Om sada 1 Rbl 50 Kop. õbbe, weel lähhäb mahha Georg Ruuti rahha 3 Rbl 25 K, jääb weel wõlgo Andres Homberg 1 Rbl 45 K.

Moistedut: Et sin peäb Ado Ruut 1 Rbl 80 Kop. õbbe Andres Homberg masma nink muud ei woi sin middaki arwada, et keik kätte sano om.