Kaibas Pritzo Tromm, et Bernhardt Grünberg om eilä õddago teddä pesno nink ka sabasteka sõkno, et pois ei olle wino Obbesed Mõtsa kui temmä käsno nink tämbä om länno Nuggissele Kohtomehhe manno kaibano, om taggasi tulno, om Grünberg lebbätse Malkaka pesno, et om länno kaibama ja om se malgots Moisa tono.

Wastutas Bernhardt Grünberg, et om löno wijs lööki leppatse keppika se est, et ei olle länno Rehhitsema nink om kül ilma asjanda löno, palleb andis.

Kohtomehhe kaibawa ka wel, et Bernhardt om sõimano neid kui temmä tallo tullewa.

Moistedut: Et Bernhardt Grünberg saab 30 löökiga trahwitus se est, et om Pritzo Trommi suure keppika pesno nink ka weel Kohtomehhi Hans Karro nink Jaan Rebbäne sõimano ja ka pilkano.

Lubbab tuwwa Kristartzi käest üts tächt, et haige om wai ei. Kui ei to, sis peäb tullewa Teisipäiwäs kuus Rbl trahwi masma.