Mõisa walitsus kaebas Jaan Mõtsar peale kea mõisa mõtsast wälja weedu walmid kõiwo puid 6 sülda warastas mes eest kokko 24 rbl kahjo nõudakse ning teda warguse eest trahwi.

Jaan Mõtsar tuli ette ning antse tunnistust mina ei ole mitte mõisa mõtsast puid toonu enge Hübe mõtsast olen ostnu küll puid ja toonu mille peale minol ka siin tähe omawa, nee tähe näidawa et tema Nowembri ja Teetsembri kuul Hübe mõtsast pedaja puid ostnu om.

Walla wanemb Jaan Punson antse tunnistust mina küll mõtsa wahiga ütten loisemi Jaan Mõtsar poolt 3 halgo puid mida mõtsa wahi oma mõtsa puis tunnistiwa ning üks unnik oli Jaan Mähari mõtsan  puid mida nema oma uttliwa olew aga sääl es ole  ole märtsidgi jälgi Mõtsari poole, aga kull Pundsoni poole.

Mõtsawaht Willem Skirmand antse tunnistust et Jaan Mõtsari maa peal oli üks unnik puid mõisa puid ning tema kottost loisemi ka 3 halgo mes mõisa puu oliwa ning nee 6 süld ei ole mitte ütte kõraga kaonu ning selle puu uniko mand läksiwa jäle Punssoni poole kust aga puid es leija.

Mõistetud: Et mitte tunnistust ei ole et Jaan Mõtsar neid puid om warastanu.

Otsus: Mõisa walitsuse kaebtus wasta Jaan Mõtsar tühjas arwatu.

See otsus §§ 773 ja 774 järele kuulut.

Mõisa walitsus nõwab suuremat kohut mes ka lubadi.Erakiri sel 16 januaril