Tulli ette Peter Stamm ja kaebas, et essä kässo perra tema lännu Konti talon ütte mehsetarro ostma, kui tema Konti tallon länno, om Kristo Petti ja Kusta Wisnapuu säält tallo aida een säisnu, tema ollewad nendega juttole alustanu, kui äramineki pääle tema ümbre käendnu, om Kristo Petti temal ütte puuga ehk müid riistaga ene pää päält lönu, kui tema maha sattanu, siis weel om kaks korda selga löönu nenda, et temal pää seen suur mulk seen olnu ja werd hirmsast jooksnu, kaebaja nõuab seadusliko trahwi ja 300 Rbla walloraha ja küberat ärawõtnu.

Kohtomees Mats Mitt ütlep, et tema lännu kui Peter Stammil pää seen suur haw olnu ja nenda samoti om kohtomees Gusta Michelson haw nännu.

Tunnistaja Marri Luig tulli ette ja ütlep, et tema nänu kui Kristo Petti üts kord harja zooriga Peter Stammil pääd wasta löönu.

Tunnistaja Leena Luig ütlep nenda samoti kui Marri Luig olli wälja üttelnu.

Tunnistaja Kusta Wisnapuu kutsuti ette ja wastap küsimise pääle, et tema kül säält Konti tallon olnud ja ka man olnu, aga tema tütriko sangin maganu, see perrast tema löömist to nännu ei olle. Kõrra kül wäljan olnu, aga tütrikod ei olle lubanu tedda wälja minna.

Otsus: Kristo Petti tullewal kohto päiwal ette tallitada, kes tämba kässo pääle tullematta jäänud.