Mõtsawaht Joseph Mauring tulli ette ja kaebas, et Arola walla Matsa talo perremees Hans Praks 30 rowiko kuusepuust 3-5 tolli paksod ja liki 30 jalga pikk ilma lubata Pühajärwe mõisa mõtsast ragunu ja toisel Arrola walla mehele äramüinud ja nimelt Rein Tipmannil ja Hans Andresonil Kuurwe talust. Pääle selle ollewad sesama Hans Praks 7 roowi 4 tolli paks ja 30 jalga pikk warrastanud, sele man ollewad Hans Jerw tunnistaja. Nõuap seaduse trahwi iga roowi eest 1 Rbl 8 Kop.

Kutusti ette Hans Praks ja wastap, et tema ollewad omast talo mõtsast roowi ragunu ja müinud toisel inimestel, aga Pühajärwe mõisa mõtsast ei ollewad tema üttegi roowi ragunud.

Tunnistaja Hans Jerw ütlep, et tema johtnu man kui Hans Praks oma poisiga Pühajärwe mõtsast 7 roowi ragunu ollewad ja tema pääle üttelnu, sul ei pruuki see ülle sanna lausta, Hans Praks ollewad nee rohwi ka äraweddanu.

Hans Andreson ütlep, et tema Hans Praksi käest Matsa talo mõtsast 25 roowi walmist ragutu homikolt, ollewad saanu ja koddust ollewad saanu 5 roowi, kus nee roowi raguto ei tia tema. 

Rein Tijrmann 16 aasta wanna tulli ette ja wastap, et 12 roowi om Matsa talo röa nukkan walmist ragutu olnu ja temal koorma pääle pantus, aga kus nee roowi ragutu, ei tia tema.

Otsus: Arrola Päkohtomees Johan Naelapää tullewal kohtopäiwal ette tallitada.