Johan Tauber Nustagost tulli ette ja kaebas, et Kastolatzi walla perremees Jaan Waher ja Jakob Karniol tedda maha löönu, see läbi om tema neddali aigo põddenu, ei saanu sööwa, ei ka tööd tetta. Kaebaja nõuap seadusliko trahwi nink 50 Rbula wallo ja aigo wiituse eest.

Jaan Waher tulli ette ja wastap, et tema Johan Tauber mitte löönu, ei ka müid wiga tennu ei ollewad, tema kül nännu tol päiwal, et Johan Tauber waega liig joobnu olnu ja essi mitto kõrda maha sadanu, aga tema om näppu man ei olle pandnu.

Tunnistaja Jaan Kukk ütlep, et tema nännu kui Jaan Waher Juhan Tauberi maha tõukanu.

Peter Waher tunnistap nenda samoti kui Jaan Kukk, aga sedda ei ole nännu kui Jakob Karniol tõukanu, ei olle tema nännu. 

Widrik Kärik tunistap nenda samoti kui Peter Waher wälja üttelnu.

Kohtomees Jaan Orraw ütlep, et tema nännu kui Jakob Karniol touakanu Jaan Waheri ja Jaan Waher toukanu Johan Tauberi. Tauber ollewad maha kui poolt koolnu olnu ja werri kukrus wäja jooksnu.

Otsus: Tullewal kohto päiwal ette talitada Jakob Karniol ja Jaan Waher.