Wassili Losakoff kaiwap Fedor Lebedewi päle, esk temma om lubbanut temma käst 500 rubla est kaupa wõtta ja poot kui ta temmal kõrts ja maa sawat renti päle.

Fedor Lebedew tullii ette ja üttles welga, eks temma om küll kõrtz ja maa wõtnut, agga kaupa temma ei olle lubbanut wõtma.

Fufagew tunnistaja üttles, esk temma om küll küllnut, eks selle perrast om neid enda wahhel kemmelnut, agga eks Fedor Lebedew om lubbanut, se ta ei tia. 

Iwan Stepanof üttlep, eks ta om kuulnut kui Fedor Lebedew om lubbanut 500 rubla est kaupa wõtma.

Moistetut: Fedor Lebedew peap, mis ta om lubbanut 500 rubla est kaupa Wassili Losakofi podest ostma. 

Fedor Lebedewi es ollen selle moistminsega rahhul ja pallus protokoll, mis tal sai lubbatut.