Hans Normann kaiwap Indrik Normanni päle, eks ta om talle 215 rubla 60 Cop. sadda rubla om wõlgo, katssadda 11 rubla om selget rahha lainanut ja tedu rahha om panta. 

Indrik Normann tulli ette ja üttles welga, eks ta om Hanso sü perrast maia sanut erra pallanut ja nouap sela est 100 sadda rubla. Indrik Normann üttlep, eks kesk ösi om Hans rehhe küttnut ja om selle kütmisse läbbi maia pallama länut.

Hans jelle üttlep, eks Indrik poiat ja Indrik issi om pipo temmanut kui ne wilja puhhastasit ja om nuda omma sü perrast rehhi errapallenut.

Jürrij Wiks tulli ette ja üttles welja, eks ta kuulnut kui Hans Normann om agganut tullitzama Indrikoga ja om üttelnut: "Ma pannen maia pallama". Se Michklipaew se üttlemenne, se errapallaminne olli 25dall Octobril ümmber. Muido om Hans kah ikke jonut koddo totnut ja sis kewasti tullitzenut.

Juhan Juhanson tunnitaja üttles, eks to nennut kui suitz sält welja tulli, kus agganat puhhastatos.

Marri Tammik tulli ette ja üttles, eks Indrik Normann es ollnut koggone säl kus willi puhastatos ja temma poeg Hans om top pallama pannut ja erralännut. 

Peter Pahl tulli ette ja üttles, eks temma naine om tarrest welja tulnut ja üttlenut, eks rehhe ahhi om ni kewasti küttetut, eks säl ei julge kegga maggada. Muido ta ei tia keddagi.

Moistetut: Se Koggokonna kohhus arwap se maia werk olla 50 rubla ja kannap Hans Normann sest kahjost 25 rubla. Teine rahha saap Indrik Normann taggasi massma. 

Indrik Normann es ollen sellega rahhul ja pallos protokolli, mis tal sai lubbatut.