Koggokonna kohhus kaibab ülle Peter Aloe, et kui kohhus temma wanna essä krami lasknu wannast ellomajast wastsede ellokorteri weddada, siis om Peter üttelnu ja lubbanu kiki Kohtumehhe püssiga pälast läbbi laske.

Peter Aloe wastut, et temma sedda mitte ei olle üttelnu.

Kutusti ette tunnistaja: Andres Laur, kes tunnist, et Peter Aloe om krami weddamisse an üttelnu, et Kohtomehhe ei olle muud waja kui wõtta Püs ja lasse kigel päälaest läbbi ja lubbanu wäitse wõtta ja keik krami koorma kabla katski lõigata ja kraami päält mahha pillu.

Hans Rebbane tunnist, et Peter Aloe üttelnu: ma wõtta püssi ja lasse Kohtomeestel ja kigel krami weddajil päälaest läbbi. 

Jaan Peterson tunnist just sedda sammawisi, et Peter Aloe sedda üttelnu.

Nüüd palleb se koggokona kohhus ütte Keiserlikko IVdat Kihhelkonna kohhut seeda Peter Aloed kui süüdlast selle ähwartamisse ja tülli eest Säädusse perra trahwi wõtta.

Et se Protogoll sõnna sõnnalt Protogolli ramatust wälja kirjutedu, tunnistab omma nimme alla kirjutamissega õige ollewad.

H. Winterz koggokonna kirjotaja.