Kaibas Samul Lust. Temma olle moisast puu widdamissest tulnu ja om Waltina koertsi man kinni piddanu, om sisse lainu ja hendal 10 topi oellut osnut, selle oelle om temma ütte pütti sisse pandnu ja omma ree päle, kus temma leiwa kott ka om olnu, pandnu. Siis om temma taggasi koertsi lainu, ja kui temma jälle wälja tulnut, siis om hobbone koeige ree ja kramiga kaddunt olnu. Temma palkanu Karola mehhe kaest hobbust ja om soitnu, omma hobbost oitsma. Nattukse maa takka om temma Märt Grawi kätte sanu, kellel Samuli oelle pütt ja leiwa kott seljan olnu, hobbose on temma agga mõtsa lasnu. Siis om Samul Märti Waltinale taggasi winu, kus Märt essi om tunnistane, et temma hobbost wõtnu. Hobbone om teisel hommikol essi koddo tulnu. 

Märt Graw tulli ette ja ütles ennemalt, et se kõik wõlts om, perrast tunnistas temma ülles, et ta kül hobbose wälja pasnu ja wõtnu, oelle pütt om agga ree pält mahha kukkunut, temma on sedda pütti wõtma läinu, ja hobbone om siis erra joosnu. 

Moistetut:

Et Märt Graw saab 30 hopi witsu. 

Pea kohtomees Karl Zimmer XXX

Kohtomees Rein Anton XXX

Märt Essajas XXX

Märt Lüüs XXX

Werdi Leinus XXX

Dietrik Treymuth XXX

David Kaar XXX

Jan Ratsepp XXX

Ott Zipp XXX