Tulli ette Otto Leis Wannast Ottepäst ja kaebas, et Nustago laada eddimätsel päiwal keskpäiwa ago om August Anton tema särgi karmanist 28 Rubla 30 Kop. raha wälja wõtnu keike raha pungaka, temma Otto Leid ollewad raha keike pungaka karmanin pandnu, nenda pea kui tema oma kätt karmanist wälja tõmbanu, August Anton koe oma kätt sisse süssanu ja raha wälja wõtnu, tema Otto Leis ollewad oma käega August Antoni kätt kinni wõtnu ja üttelnu, mis sina nüid teet, aga August Anton löönu russikoga temal kukru pääle nenda, et tema pikali maha saddanu ja Anton essi keike rahaga pakku lännu ja ka tema müts päost om kaddunu, kas Anton mütsi ütten wõtnu ehk rahwa seen ärrakaddunu, ei tia tema, sedda ollewad ka mittokümme inimesed nännu kui Anton een pakku lännu ja tema Otto Leis ilma mütsiga tagast järgi joojsnu. Kaebaja Otto Leis nõuap oma raha, raha punga, mütsi  nink ka wallo raha löömise eest August Antoni käest saada ja ka pallup, et August Anton taskowarguse eest seaduse perra sahas trahwitus.

Peep Saar Wannast Otepäst tunnistaja tulli ette ja ütlep, et tema nännu kui August Anton oma kätt Otto Leis karmanin püstnu ja raha punga wälja wõtnu ja russigoka Otto maha lönu ja essi pakku lännu. Mina, Peep Saar ja ka tõise mehe jooksime tagast järgi, tahtsime Antoni kini wõtta, Anton korrast ütte maja man howin sisse, meie tagast järgi, seni kui meie howin tedda tagga otsisime, olli tema ülle aija wälja jooksnu ja meie näime, et Anton mõtsan sissi jooksi, see perrast es woi ennemb tedda kätte saada. 

Karl Tiggane Wannast Ottepäst ütlep nenda samoti kui Peep Saar olli wälja üttelnu. 

August Anton kohto poolt käsk saanu kohto ette tulla, aga tellematta jäänud.

Otsus: Tullewal kohto päiwal ette tallitada kaebaja nink ka August Anton.