Johan Reinhold kaebas, et Johan Johanson om minewa pühapäiwa ösel kelo 11 aigo tema lehma lubbanu Johan Krusel, elab Ottepän Möldre Karli tallon, 5 Rbl eest ärramüja. 

Johan Johanson länu laudan sisse ja wõtnu lehma lõigast wallale, siis om Johan Kruse wäljast lauda ukse kinni pandnu ja tulnu tarren ütlema, et warras laudan ollewad. Tema lännu ja leidnu laudan Johan Johansoni, siis om Johan Johanson enast purjo tennu, et tema middagi ei teadwad kus tema ollewad.

Johan Johanson ütlep: mina ollin kõrtsin waega wiina täis jäänu ja läksin koddon, siis purjo pääga ollen mina laudan juhtnu. Johan Kruse wälja ütlemine om wõlts, et mina temal lubanu lehma 5 Rbl eest müja.

Johan Kruse olli wälja üttelnu, et Johan Johanson lubanu temal ütte lehma 5 Rbla eest müja ja nõudnu 3 Rbl raha koe kätte, lännu laudan sisse, siis om tema wälja kinni pandnu ja tarren lännu ütlema, et warras laudan om, sest tema arwanu, et see õige assi ei olle, sest üttegi lehma 5 Rbl eest osta ei woi saada.

Mõistus: Johan Johanson saap süidi arwatus ja saap 30 witsa lööki opusega, et ei tohi tõise inimese omandus ärra warastada. 

Mõistus saije täitedus.