Jaan Kolk kaebas, et Jakob Kangro om jutt wälja aijanu, et tema (Jaan Kolk) ollewad Kirrumpä wallan hobbest warrastanu,talli ukse hasa katski wiilinud ja säält hobbest wälja wiinu, siis ollewad Kirrumpä mehe tagga aijanud, kinni wõtnu ja pesnu. Jaan Kolk nõuab, et Jakob Kangro peas selgest teggema kui wiisil temma säärtse jutt wõib kõnnelda. 

Jakob Kangro wastap: üttel pühapäiwal keriko man kuulin minna se jutt Kirumpä mehe käest, et Jaan Kolk ollewad hobbest warrastanud, neid mehe nimmi ei tia minna.

Peter Luig ütlep: minna kuulin kui Jakob Kangro Kerikost koddan tulli ja kõnnedi, et Jaan Kolk ollewad Kirrumpä mehe hobbest warrastanud.

Ann Ernitz ütlep: minna ei tia ses asjas middagi. Kui Jaan Kolk minno sõimas puie wargas, siis wastasin minna, ärra pakku sa omma särki mitte minnol, se om üts nälja sanna.

Wiksi Leno kül kõnneldi, et Jaan Kolk ollewad Kirrumpäl hobbest warrastanud.

Mõistus: Jakob Kangro peap 2 neddäli seen tunnistus kog. kohtole tooma, kas Jaan Kolk hobbest om warrastanud. 

Mõistus saije kuulutedus §773 selletamissega.