Wõru kogokonna kohus sel 7 oktobril 1887.

               Man olli Päkohtumees M. Kirjotaja

                              Kohtumees M. Melzow

                              Kohtumees H. Jõperra

Ette tulli Mai Peddassare wöörmonder Michel Raitar ja kaibas et Mai Peddassar kes pimme om, oma wenna Jaan Peddassare käest kogokonna kohtu otsuse järele sest 9 sep. s.a Nr 314 tarwiliku üles piddamist ei saa ja et wenna naine tedda saggedaste ja ilma süüda torelewad ja selle perast Mai Peddassar sääl ära elada ei saa ja pallep kogokonna kohhut tema elo korda parandada

Jaan Peddassar nink tema naine olliwa ka ses tänases päiwas kutsutu omma tulnu nink wastutase et nema Mai Peddassarele sööki keelanu ega tedda tõrelnu ei ole waid Mai Peddassar om kiusakas ja ei tule kutsmise peale sööma ja kõnelep sis et temale süwwa ei anda. -

Raitar and Michel Wõrr ja Johan Jalaja tunistajas et Mai Peddassaart ütte lugu ilma asjata tõreldas ja süwwa ei anda. -

                         Otsus: tunistaja teises kohtu päiwas ette kutsu. -

                        Päkohtumees M. Kirjotaja

                         Kohtumees M. Melzow

                         Kohtumees H. Jõeperra

                                      Kirjotaja M Melz.