Andres Rose Sangastas kaebas, et temma ollewad Pühhajerwe poisiga Toomas Partz nink Adam Jerwe endele poisist kaupelnud, neil käerahha andnu nink poisi lubbanut ütte aasta temma man teenita nink Pühhäjerwest täht towa, agga seeni päewani ei olle nemma weel tähti toonud, nüid nõuab temma, et poisi peas tähti tooma ja teenistussen tullema.

Toomas Partz ütlep: temma ollewad käerahha wõtnu ja ka kaupa tennu, sedda moodoga, et nemma sis tahtwad teenistussen minna kui Pühhäjerwe wald neil lubba tähti andwat, agga wald tähti es anna,sis ollen minna ka wallan teenistus wõtnu ja ei woi mitte ennamb Andres Rose man Sangasten minna.

Adam Jerwe ütlep, et temma se eest ei lähwat Sangaste Rose man, et wannemba ei lubbawat ja täht ei olle ka neile antu. 

Mõistus: Selle, et Andres Rose ilma koggokonna lubbaga nink tunnistuse kirjaga wõõra walla mehhega kaupa tennu, massab temma säedusse perra 4 Rbl. trahwi walla ladikon ja jääb käerahhast nink ka poisi teenistust ilma.

Mõistus kuulutadi §773 selletamissega (4 Rbl trahwi rahha maste Andres Rose ärra).