Adam Eichenfeldt kaebab, et Jaan Patzman om temmaga teenistus kaupa tennu ja käerahha 1 Rbl. saanud nink 40 Cop. eest liiko rahha ärrakullunud, ta nõuab, et Jaan Patzmann temmal käks rahha, se om 2 Rbl 80 Kop. peab taggasi masma selle, et teenistussen ei olle tulnu.

Jaan Patzman wastap, et see om õige, et temma Adam Eichenfeldtiga kaupa tennu ja 1 Rbl. käerahha saanu, agga 40 Kop. ei woi ta mitte üttelda, woib olla et se ka õige om, mul ei olle nüid mitte rahha massa.  

Mõistus: Selle, et Jaan Patzmann ei olle se rahha ennembi taggasi andnu, ei ka teenistussen lännu, massab temma Eichenfeldtil kätte wõrra rajja =  2 Rbl. 80 Kop. Jürripäewan s.a. ärra. Kui 8 päewa seen se rahha ei olle mastu, sis peap temma üks kuu aigo Adam Eichenfeldti man teenima.

Mõistus kuulutadi §773 selletamissega. 

Pääle kohto otsuse kuulutamist ütlep Jaan Patzman koggokonna kohto wasto roppu sennatega: "minna ei massa üttegi koppikod ja ei lähhä ka teenima". 

Mõistus: Kohto wasto roppuse ollemise eest peab Jaan Patzmann 1 öse ja päew wangin kinni ollema.