Walla wannemb kaebas, et Udderna mees Karl Könn ollewad temmal wasta rindo 3 korda löönu, sest temma piddanud Arrise üllekäija söwimisse pääle neid wiina pootid, kes Nustago laadal ilma patentid wiina müinu perra kaima, et na ennemp wasta seaduse ilma patentid wiinaga ei tohi kaupelda, temma walla wannemb lännu üks kord neid wiina pootid läbbi Torro, kubjas Peter Wuks  om tal ütten olnu, tulnu taggasi ja nännu, et jälle mõnni wiinaga kauplewad, sest neid wiina kaupmehe om ligi 20 olnud, nüid wõtnu temma jälle tõistkõrda otsast kinni ja lännu keik wiina kappatsid läbbi ja keelnu keigil ärra, et wiina ei ka õllet ei tohiwad müiwa, siis kui ta Karl Könn pooti manu tulnu, om ta üttelmehel wiina andnu ja Karl Könn raha wasta wõtnu, siis astnu temma (walla wannemb) manu ja üttelnud: kuule mees kas sa kuulnu ei olle, et sa wiina ei müiwa. Karl Könn karranud temal katte ruskuga wasta rindo ja üttelnu, mis kurrati mees sa ollete, mis sul minnoga teggemist. Turro kubjas Peter Wuks saanud wahel, siis olles Karl Könn temmal mitto kõrda pääle löönud ehk ka mu wissanud. Kaebaja walla wannemb pallup, et Karl könn seaduse perra sahas trahwitus.

Tunnistaja Sander Tõpper ütlep: temma kuulnu kui Arrise üllekäija üttelnu, et walla wannemb peab perra waatama, et ne wiina kaupleja ei peawa enemb wiina müima selle, et neil üttegi pattentid ei ollewad.

Tunnistaja Peter Wuks ütlep: temma nännu, et Karl Könn kolm kõrda wallawannembale wasta rindo ruskoga löönu, siis om saanu temma wahel ja keelnu Karelil löömist ärra.

Tunnistaja Hans Orraw ütlep, et ral Könn wiina müinu kui walla wannemb sinna manu lännu ja üttelnu, mis sa teed sedda, mis keelatu om, Karl Könn 3 korda ruskoga wasta rindo löönud.

Otsus: Karl Könn Uddernas siin koggukonnas kohto ette tallitada.