Kristo Pettij kaebas, et temma essä Andres Pettij ollewad tedda ärraaijanud seperrast, et temma kogematta ütte linna tükki aidast tarren toonu, siis nahkanu essä selle asja ülle hirmsaste wanduma ja ei olle ennamb süwa andnu ja üttelnu kassi ssist ärra.

Andres Pettij tulli ette ja wastap: minno poig Kristo ei kuulemitte ennemb minno sanna, ösel ta hulgub ümbre ja päiwal ei taha temma middagi tetta, lino ei rabatamitte nenda paljo kui minna nõuab.

Tunnistaja Jaan Awwi ütlep: Andres Pettij ei pidda middagi kõrda koddon,muido ei olle kuulda kui lärmm ja wandminne ja ütlep kui teie minno sanna ei kuulete, siis lähän minna maro ja panne tulli otsan.

Peter Paal ütlep: Andres Pettij ei ella mitte oma latsega nenda kui essä, waid nenda kui üts mõrtsuk, wandminne, kaklemine ja ka lömmine kirwostega  ehk müid ristage mis tal ette putto, om ütte wiisi nätta nink kuulda. 

Mõistus: Andres Pettij saap süüdi arwatus selle, et ta koddon raholik ei ella ja ka temma poig Kristo se perrast, ettawannemba sanna ei kuule,saap 5 witsa löögika trahwitus ja Andres Pettij kolm korda 24 tunni peap wangist kinni ollema.

Mõistus saije kuulutedus §773 selletamissega.