Aste ette nink kaebas Johan Weske Ilmjerwest ja ütli, et temmal sel 11 kuni 12 Novembri pääle ösel aida lukk wallale murtu ja aidast kraami warrastetu - 7 Ltt linnu, 10 lamba töis lihha, üts meeste pallito, 4 põrsa töis lihha, 1 zia töis lihha, 3 punda zia ja lamba raswa, 2 undriko, 1 Ltt willo, 1 Ltt willatse löngo, 1 kalliwene kamsol, 6 rättit, 3 ammet, 2 amme töisreiwast, üts suur willatse dekk, üts tükk linnatse reiwas, müido asjo ei tia kaebaja nimme perra mitte ülles anda ja temma arwab, et Jaan Petsar neid asjo warrastanud selle, et temma piip om aidan leido.

Jaan Petsar ja ütlep: minno jalg ei olle Ilmjerwe mehhe aidan saanud, ei olle ka se minno piip, kes siin lawwa pääle ja aidan ollewad leitu. 

Tunnistaja Kustav Masing aste ette ja ütlep: se piip ollen minna Petseril sel suwwel parrandanu ja se om minno näppo töö.

Tunnistaja Kusta Kutsar ütlep: Petser om mul üttelnu, müid minno kinni ei keita kui piipo wandoos, sest woi olla se minno käitab. 

Jaan Petsar wasta: se piip om kül minnol enne olnu, agga minna se piip Nustago ladal ärra waetanud. Ütte wõõra mehhega ollen mina se piip Nustago laada platsi pääle ärrawaetanud.

Perrast sedda aste ette Jaan Petsar ja ütlep: se piip om minno ja minna ollen Kristo Eichleriga se aid lahknu ja ne kraami warrastanud ja Soo kõrtsimehhe hobbene olli, kellega meie neid kraami koddon weddasime ja ne kraami jäiwa ka Soo kõrtsimehhe käen.

Otsus: Selle, et se warguse asja sääduse  raamatu §1070 perra mitte koggokonna kohto mõistmise al ei puttu, saab se protokoll keiserliko kihelkonna kohtole ärra saatedu ja palleldu sääduse perra tallitada. 

Jaan Petsar ja protokoll kirri Tarto Makohtole ärrasaatedu.