Kutsuti ette Peter Wutt ja küssiti, mis perrast tema Kihelkonna kohto mõistmise perra 14 Rbl. 49 Kop. ära ei massawa.

Wastap Peter Wutt, et tema se raha suma om Kohtomehe Hans Willemsoni kätte tee pääle ene 2 neddali äramasnud, kwittungi ei olle tema kül küssinud, ei ka kohtomees ei olle raha kwittungi andnu.

Hans Willemson ütlep, et Peter Wutt om kül tee pääle raha pakkunud, aga tema ei olle wasta wõtnu, aga käsknu kohto majan tullla ja sääl raha massa.

Peter Wutt ütlep, et temal om tunnistja Gusta Kruse man olnud kui raha masnud.

Tunnitaja Gusta Kruse tulli ette ja ütlep, et tema nännu kui Peter Wutt Hans Willemsonil raha antu kohto majan wia ja üttelnu, et 51 Kop. temal taggasi ollewad saada. 

Mõistus: Peter Wutt massap kohto mõistetu raha 14 Rbl 49 Kop tämba ära, kui tema arwap, et Hans Willemsonil tee pääle raha andnu, wõib se ülle kaebata ja oma õiguse otsida.

Mõistus saije kuulutedus §773 selletamissega.