Protokoll N 28

kogokona kohtu koon istumine Sel 17 Septembril 1886

Man olliwa: Pääkohtumees Kusta Moistus.

kohtumees Jacob Kriwa

abi Johan Thal.

Ette tulli kaibaja Jakob Kriwa ja kaibas Matli Kallew pääle niido söödmise ja põimamise perast. Et nimetedu Matli Kallew om mino nido ädala ära söötnu ja 17 Septembril kui mina wöölmöndre kaeman käwe olli Lehm temal mino nito kapla pantu, nink  om ka niiton põimnu keda woip tunnistada J. Uibo. ent selle niido söötmise ja põimamise eest nõwwan mina 5 Rbla.

Tunnistaja Jaan Uibo and järgmisel wiisil tunnistust. Mina nägin, et Matli Kallew põimse Jakob Kriwa niitun ja mina saatse wäiko poja temale ütlema, et täl ära minna ent Matli Kallew es lää ära enge põimse edesi. Wannutedu wöölmündre Johan Thal ütles, Jakob Kriwa kutse minno oma söödetu niito kaema ja sääl niido pääl olli lehm kapla pantu ja niit ära söödetu ja se kahjo oma wäärt 3 Rbl.

Otsus. Tõises kohto päewas Matli Kallew kohtu ette käsutada.

Pääkohtomees Kustaw Moistus

kohtumees Jakob Kriwa

abi Johan Taal

Kirjotaja