Hans Rebbane kaebas, et tema oma ärakoolnu welle Jürri Rebbase pärrandajidele ollewad 7 neddeli minewal talwel tööd tennu ja nõuap iga päiwa eest 1 Rbla, see om 42 Rbl., nõuap raha kätte.

Marri Rebbane ärrakoolnu Jürri Rebbane läsk ütten eensaisja Hermann Aloe tulli ette ja wastap: Hans Rebbane tulli säält minno man ütten hobesega kui küllo lese saije talwe aijan, see olle minewal aastal Märtsi kuul essi ja hobbene üllespeetus, wahel läks tema jälle koddon, siis saije iga korda haina ütten andus nenda paljo kui tema Hans essi tahtsi wõtta ja 1 Rubla raha andnu, sest Hans es olle üttegi töömees, ei ka palkalese, sest tema weski tööst middagi es tunne, üts kord olle weski wallale lasknu ja olle keik riista ärarikkuni ja katski aijanu, see olle, et Hans Rebbane mõni päiwad nenda kui suggulene mino man ellasi, saije essi ja hobene üllespeetus, tema es ole üttegi töömees ja ka tal üttegi palka es olle lubbatus, sest mino ärakoolnu mees om ka Hansole mitte häd tennu siis kui ta wangis kinni olli. 

Hans Rebbane wastap: 1 wakka röajawi saanud, see om talli ehituse eest olnu, haina ollewad nenda paljo kül saanu kui rii pääle mõni korda pandnu, 2 wakka kartofli saanu ja sedda ollewad neide ziaga ärasöötnu, raha saanu ei ollewad. Andres Reimann ollewad see man tunnistaja.

Otsus: Tullewal kohto päiwal Andres Reimann Wannast Kasseritzest ette tallitada.