Tulli ette ärrakoolnu Konti talo perrisostja Peter Partzi perrandaja ja nimelt wannemb tütre mees Jaan Tedder ja tüttar Ann Partz ütten oma wöörmündrega Gusta Michelson ja kaebas, et ema Lies Partz ärrakoolnu Peter Partzi läsk tahtwad sedda poolt Konti tallo, mes essä Peter Partz ostnu ja latsele ossajaggost perra jätnu, oma nooremba tütremehel Peter Luigale äraandnu, aga Jaan Tedder kui wanemba tüttre Leno Tedder, sündinu Partz abikaasa nink ka tüttre Ann Partzi wöörmündre Gusta Michelson ei woi sedda mitte lubbata ene kui nema oma ossajaggo Konti talust kätte saanu ja Peter Luig neile ossajaggo Konti talust wälja masnu ollewad. 

Ärakoolnu Peter Partz ollewad perra jätnu: 

1. 400 Rubla selge raha ja 6 % selle raha eest, 6 aastad läbbi, see om: 544 Rubl.

2. Siis om wõlgo wälja olnu, mis ema Lies Partz ja tüttremees Peter Luig sisse nõudnu ja ende prukitus tarwis ärrapruuknu - 159 Rbl. 30 Cop.

3. Moisale selle Konti poole talo eest kapital om sisse mastu - 650 Rbl.

4. Kapitali wähendus om mastu 8 aasta, iga aasta 6 Rbl. 50 Kop., teep kokko - 52 Rbl.

5. Neid müido tallo kraamist ei arwa perandaja middagi sele, et ne kraami ollewad keik Peter Partzi perrandaja kokko ütte wiisi pruuknud ja endele ossajaggo kätte saanud. Suma 1405 Rbl. 30 Kop. 

Pääle sedda Jaan Tedder wanemb tütremees andi ülles, et tema ütsinda oma poolt ollewad Konti tallo eest moisale Kapitali masnu 50 Rubla ja 3 aastad läbi Kapitali wähendus iga aasta 6 Rbl 50 Kop.  - 19 Rubla 50 Kop, ülle keike ollewad tema Jaan Tedder Konti talo eest masnu 69 Rubla 50 Kop. Ja ka see Konti pool talo ollewad hina perra 600 Rubla rohkemb wäärt kui tol korral olnu ostetus saanu, Jaan Tedder ja Ann Partz ka nõuap sest hendele ossajago saada.

Tulli ette ärakoolnu Peter Partzi läsk Lies Partz ja noremb tütremees Peter Luig ja wastap wannemba tütre Jaan Tedder nink tütre Ann Partzi kaebuse pääle, et ne raha sumad müido õige ollewad, aga wõlgo ei olle neide mitte selges meelen, kas nenda paljo olnu. 

Peter Luig ei lubba Jaan Tedderil ei ka Ann Partzil middagi ossajaggo massa, aga nõuwa kohto pool tallo endele saada.

Saije ärakoolnu Konti poole talo perrisostja Peter Partzi perrandaja, Läsk Lies Partz, tütremees Jaan Tedder, tütremees Peter Luig ja Tütre Ann Partz ütten wöörmündriga Gusta Michelson ette kutsutu ja kohto poolt ütteldus, et nema oma poolt leppingo peas teggema, aga kui üttegi leppingo es saha tettus, kogokonna kohus mõisteti sedda.

Mõistus: Ärakoolnu Peter Partzi perrandaja saap temal perrajäänu warrandus endele ossajaggo, Läsk Lies Partz saap 351 Rubla 32½ Kop., tüttar Lena Tedder, sündinud Partz saap 351 Rubla 32½ Kop., tüttar Marri Luig, sündinu Partz saap 351 Rubl. 32½ Kop. ja tüttar Ann Partz saap 351 Rubla 32½ Kop. ja wannemb tütre mees Jaan Tedder peab oma poolt sisse mastu raha, mis tema oma käest Mõisale Konti talo eest masnu 69 Rbl. 50 Kop. kätte saama kui Peter Partzi warrandus perrandaja tüttremees Peter Luig ehk ka wannemb tüttremees Jaan Tedder, kel rohkemb eenõigus om Konti pool tallo perrida tõisile perrandajile igal üttel üllewak nimitedu summa tahap wälja massa, wõib Konti pool tallo endele perris saada. Seni kui 1 Märzil 1881 aastal olgo Peter Luig ja Jaan Tedder wahel assi selges tettus, kes talo endele tahap wõtta ja tõisil ossajaggo wõtjile raha wälja massa.

Konti poole talo rohkemb hina ehk wäärt ollemise perrast kui ta talo nüid om, kui siis olli kui ta ostetu saije, jääp ossajaggo wõtjile õigus ja lubba sedda Konti pool talo kohto poolt ehk ka perrandajide oma poolt walitsedus ussutawa mehe läbi takserida laska ja mis ta talo nüid rohkemb wäärt om. Talo wasta wõtja tõisel ossajaggo wõtjile igal üttel oma jaggo suurus perra wälja massa.

Mõistus saije kuulutedus §773 selletamisega.