codem.

mõisa wallitsus palles koggokonna kohhut peas allan nimmidetut Protocolli ülles wõtma, - et Rendi härra Leeger om se Illu Weski Jürgensile rentinu, möeldus et tema Möldri om, ent kuida om kuulda ja teda nida kui een ollewan Protocollin, et temma suggugi Möldri ei oska olla, ennegi poisi päle om se Wallitsus andnu nink kige mitma sugguste rahwa päle omma Weski alla jattap, ia se pois mes temmal om, om pruukinu muijale töö mannu, nida et mõnni kõrd Krono Weski hopis ütsinda om jattetu, nink wõip ka selle perrast suur kahjo sündida, ehk Weski kiwwi ütsinda, josep, nida et ka Weski maja pallama lääp, nink om löntracti wasta mõisa Jahwatamisse eest mat wõtnu, nink Weski ehhitamisse tarwis om mõisast Kõiwo puud antu, neid om Jürgens lasknu ni kawwa ilma korimatta olla et jo mäddanema nakkanu, - nink et nüüd awwalik om seni ajani ilma mõisa wallitsusse teadma olnu et Jürgens mitte Möldri ammetit ei oska, - pallep koggokonna kohhut, Jürgensile teda anda, et temma hendale tõist assem kaep sest Krono Weski ei wõi kunnagi ni olla ja ütsinda olla.