Tulli ette Peeter Waher nink kaibas, et Hans Herma temale mitte ära ei maswat nink nõwwat nüüd kätte. 

1. Minewal suwel 1881. aasta Hans Herm tema henda asemele Pühajärwe mõiste töösse wõtnu ütes päiwa, nõwwap - 60 Kop.

2. Suwel 1881, 9 palgi nööri, 2½ süld pikka lõikanu, nõwwap a' 10 Kopk - 90 Kop.

3. Üts kuuse palgi tükk, 6 jalga pikk, 6 tolli jämme, Hans Herma wõtnu, nõwwap - 25 Kop. 

4. Katusse naklu 115 tükki wõtnu, nõwwap 5 Kop.

Summa 180 Kop. 

Hans Herm wastap: 

ad1. Peeter Waher küll tema asemel töön ollu, aga tema käsknu Peeter Waheril palk wälja wõtta ja om see raha säält Pühajärwe mõisast wälja wõtnu Hendrik Orik nink Peeter Waher.

ad2. Peeter Waher om 8 palgi nööri lõikanu, a' 10 Kopk, aga see raha , 80 Kopk. minewal aastal üüri raha masmise manu ärä rehkendatu.

ad3. See kuuse palgi tükki tagasi masnu.

ad4. Nee katusse nagla Peeter Waheri naise kätte ärämasnu.

Muud tunnistusse ei olle kui üüri raha rehknungi üle Peeter Waheri käen kontraht. 

Otsus: Tõises kohtu päiwäs Hendrik Orik ette kutsu nink Peeter Waher toop oma kontraht ette.