Hans Rebane tulli ette ja kaebas, et temal Marri Rebase majan üts pliitraud ja üts siiber om jäänud siis kui tema Hans Rebane säält majan elanu, aga kui tema nüid perast omil asjaole pera lännu, ei olle Marri Rebane temal kätte andnu. Kaebaja nõuap om pliit ja siiber kätte saada.

Marri Rebane wastas Hanso kaebuse pääle: mitto korda peab mina Hansoga asjo seletama, joba üts ene kolm aasta andi Hans Rebane keik oma ehituse ja Materiali kullo üle, see assi saie kog. kohto ja ka Kihelkonna läbi seletedus ja selgest tettus, nüid alustap Hans Rebane jäle tõist korda Materialist raha nõuda.

Hans Rebane ütlep: see pliit ollewad katski löödu, tematahtwadtõist terwe pliit assemel saada.

Marri Rebane wastap: see pliit olli joba siis katski kui mina säält majan läksin ja parilla om ta nenda samoti kui ta ene olli.

Mõistus: Marri Rebane peab Hans Rebasele pliit ja siiber kätte andma, see pliitiraud ja siiber, mis sel tarren olli kus Hans Rebane sisse elasi, Hans Rebane peab neid asjo nenda wasta wõtmakui nema parilla om.

Mõistus saie kuulutedus §773 seletamisega.