Ärakoolnu Hans Uibo perandaja wöörmündre Michel Müller ja Hans Willemson tulli ette ja nõuap, et kogokonna kohus Hans Uibo latse warandus, kes Jaak Uiko kätte jäänud, sahas sisse nõudma ja raha intresi pääle pandaselle, et nema (wöörmündre) mitte ei ussuwa see warandus Jaak Uiko kätte, Jaak Uik ollewad keik warandus äraehitanu ja ka tahtwad maja äramüija.

Kogokonna protokolli pera sest 24 Aprilist 1879 N17 peab see warandus Jaak Uiko kätte seni kui latse ealisest saanu.

Jaak Uik tulli ette ja ütles: ega mina Mähä talu äramüija ei taha, aga renti pääle ollen andnu ja nõuap neid ärakoolnu latse matmise kullo sest warandust maha arwata.

Wöörmündre Michel Müller ja Hans Willemson es luba Jaak Uikole üttegi matmise kulo massa sele, et see warandus Jaako käen ilma intressi ollewad ja ka Jakol peab latse kaswatama seni kui nema ealisest om saanu.

Mõistus: Ärakoolnu Hans Uibo latse ossajago jääb Jaak Uiko kätte seni kui latse om ealisest saanu, nenda kui kog. protokollin sest 24 Aprilist 1879 aastal N17 om üleskirjotedu, aga Mähä talu kontraht jääp kogokonna kohto man, Jaak Uik ei tohi Mähä talu ene äramüiwa kui keik latse ossajago om wälja masnu, neid ärakoolnu latse eest matmise kulo ei saha mitte Jaak Uikol lubatus sele, et tema peab latse kaswatama seni kui nema ealisest saanud ja sele eest om temal latse ossajaggo ilma intressi massu antus.

Mõistus saie kuulutedus §773 seletamisega. 

Jaak Uik andi teada, et rahil ei ollewad, saie opuse kirri kätte antus.